اسلام ٹائمز - ڈی آئی خان، لوڈشیڈنگ کیخلاف احتجاج

مظاہرین نے سٹی کے متعدد داخلی و خارجی راستے بند کر دیئے جس کی وجہ سے راہ گیروں کو شدید مشکلات کا سامنا کرنا پڑا۔ توپانوالا فیڈر پر ظالمانہ چودہ گھنٹے کی لوڈشیڈنگ کے خلاف شہری اور تاجران احتجاج کرتے ہوئے سڑکوں پر نکل آئے اور انہوں نے حقنواز پارک کے سامنے دونوں طرف سے آنیوالی ٹریفک کو بلاک کردیا۔

اسلام ٹائمز۔ ڈیرہ اسماعیل خان میں پیسکو واپڈا کی جانب سے ظالمانہ لوڈشیڈنگ کے خلاف عوام سڑکوں پر نکل آئے اور حکومت کے خلاف شدید احتجاج کیا۔ مظاہرین نے سٹی کے متعدد داخلی و خارجی راستے بند کر دیئے جس کی وجہ سے راہ گیروں کو شدید مشکلات کا سامنا کرنا پڑا۔ توپانوالا فیڈر پر ظالمانہ چودہ گھنٹے کی لوڈشیڈنگ کے خلاف شہری اور تاجران احتجاج کرتے ہوئے سڑکوں پر نکل آئے اور انہوں نے حقنواز پارک کے سامنے دونوں طرف سے آنیوالی ٹریفک کو بلاک کرتے ہوئے ٹائر جلا ئے، واقعہ کی اطلاع پر ایس ایچ او کینٹ محمد نواز اور ٹریفک انچارج فضل الہی پولیس نفری کے ہمراہ موقع پر پہنچ گئے اور انہوں نے مظاہرین سے مذاکرات کیئے، بعد ازاں مظاہرین نے لوڈشیڈنگ کے اوقات میں کمی کی یقین دہانی پر سڑک پہ ٹریفک بحال کردی۔