اسلام ٹائمز - پشاور، یوم القدس ریلی

اسلامی تحریک پاکستان خیبر پختونخوا کی قیادت میں پشاور میں یوم القدس کی مناسبت سے احتجاجی ریلی نکالی گئی، جس میں سینکڑوں کی تعداد میں افراد شریک تھے۔ احتجاجی ریلی مرکزی شیعہ جامع مسجد کوچہ رسالدار سے نکالی گئی جو قصہ خوانی بازار پہنچ کر جلسے کی صورت اختیار کر گئی۔

اسلام ٹائمز۔ شیعہ علماء کونسل کے سربراہ علامہ سید ساجد علی نقوی کے حکم پر اسلامی تحریک پاکستان خیبر پختونخوا کی قیادت میں پشاور میں یوم القدس کی مناسبت سے احتجاجی ریلی نکالی گئی، جس میں سینکڑوں کی تعداد میں افراد شریک تھے۔ احتجاجی ریلی مرکزی شیعہ جامع مسجد کوچہ رسالدار سے نکالی گئی جو قصہ خوانی بازار پہنچ کر جلسے کی صورت اختیار کر گئی۔ ریلی کی قیادت اسلامی تحریک کے صوبائی جنرل سیکرٹری آخونزادہ مظفر علی نے کی۔ اس موقع پر مظاہرین نے امریکہ اور اسرائیل مخالفت جبکہ فلسطینی مظلوموں کے حق میں نعرے بازی کی، جبکہ مقررین نے قرار دادیں بھی پیش کیں جن کو حاضرین نے اللہ اکبر کے نعروں سے منظور کیا۔