اسلام ٹائمز - جشن عید میلادالنبی (ص)، ملک سج گیا

خواتین کا کہنا ہے کہ عید میلاد النبی (ص) کے سلسلے میں ہم گھروں اور محلہ کو سجاتے ہیں۔ بڑوں کے ساتھ ساتھ بچے بھی کسی سے کم نہیں۔ سبز عمامے اور پرچم ہرسو اپنی بہار دکھا رہے ہیں۔ بچوں کا کہنا ہے کہ ہم نے جھنڈے، بیجز اور مختلف چیزیں خریدی ہیں کیونکہ یہ ہمارے آقا صلی اللہ علیہ وآلہ وسلم کی دنیا میں آمد کا جشن ہے۔ جشن آمد رسول صلی اللہ علیہ وآلہ وسلم کے موقع پر عاشقان رسول (ص) خوشی سے جھوم رہے ہیں۔ ان کا کہنا ہے کہ 12 ربیع الاول کا دن ان کیلئے روز عید سے کم نہیں۔

اسلام ٹائمز۔ جشن ولادت رسول صلی اللہ علیہ وآلہ وسلم کے موقع پر ملک بھر میں گھروں، مساجد، گلی محلوں اور اہم عمارتوں پر چراغاں کیا گیا ہے اور محافل میلاد کے انعقاد کے ساتھ ساتھ جلوس بھی نکالے جا رہے ہیں۔ جگہ جگہ درود پاک اور نبی پاک (ص) کی احادیث کے پوسٹرز اور سبز رنگ کے جھنڈے بھی نصب کئے گئے ہیں۔ ہر ایک جانشین اپنے اپنے انداز سے سرکار دو عالم صلی اللہ علیہ وآلہ وسلم سے محبت کا اظہار کرتا نظر آ رہا ہے۔ شہری اس جشن کو منانے پر بڑے پرجوش دکھائی دے رہے ہیں۔ خواتین کا کہنا ہے کہ عید میلاد النبی (ص) کے سلسلے میں ہم گھروں اور محلہ کو سجاتے ہیں۔ بڑوں کے ساتھ ساتھ بچے بھی کسی سے کم نہیں۔ سبز عمامے اور پرچم ہرسو اپنی بہار دکھا رہے ہیں۔ بچوں کا کہنا ہے کہ ہم نے جھنڈے، بیجز اور مختلف چیزیں خریدی ہیں کیونکہ یہ ہمارے آقا صلی اللہ علیہ وآلہ وسلم کی دنیا میں آمد کا جشن ہے۔ جشن آمد رسول صلی اللہ علیہ وآلہ وسلم کے موقع پر عاشقان رسول (ص) خوشی سے جھوم رہے ہیں۔ ان کا کہنا ہے کہ 12 ربیع الاول کا دن ان کیلئے روز عید سے کم نہیں۔ بڑوں کے ساتھ ساتھ بچے بھی عید میلاد نبی (ص) کو منانے میں بڑھ چڑھ کے حصہ لے رہے ہیں۔ آیئے ملک کے مختلف شہروں میں جشن ولادت رسول اکرم (ص) کے حوالے سے کی گئی سجاوٹوں پر ایک نظر ڈالتے ہیں۔