اسلام ٹائمز - طاہرالقادری سے مولانا طارق جمیل کی ملاقات

ڈاکٹر طاہرالقادری کا کہنا تھا کہ امت میں اتحاد کو فروغ دینا میری ترجیح ہے، میری کوشش ہے کہ امت کو متحد کیا جائے۔ انہوں نے کہا کہ دشمنوں نے اسلام کا شیرازہ بکھیرنے کیلئے فرقہ واریت اور تکفیریت کو فروغ دیا، جسکی حوصلہ شکنی کیلئے علماء کو میدان عمل میں آنا چاہیے۔

اسلام ٹائمز۔ پاکستان عوامی تحریک کے سربراہ ڈاکٹر طاہرالقادری سے تبلیغی جماعت کے معروف رہنما مولانا طارق جمیل نے ماڈل ٹاؤن لاہور میں ان کی رہائش گاہ پر ملاقات کی۔ مولانا طارق جمیل نے ڈاکٹر طاہرالقادری کو 8 جلدوں پر مشتمل جامع قرآنی انسائیکلو پیڈیا تالیف کرنے پر خصوصی مبارکباد پیش کی۔ مولانا طارق جمیل نے اصلاح احوال و معاشرہ، عقیدہ توحید، سیرت النبی (ص) اور اسلام کے امن و محبت کے پیغام پر مبنی موضوعات پر عظیم الشان کتب تحریر کرنے ڈاکٹر طاہرالقادری کو خراجِ تحسین پیش کیا۔