اسلام ٹائمز - سکردو، یوم القدس

یوم القدس کے موقع پر سکردو میں آئی ایس او، اسلامی تحریک اور ایم ڈبلیو ایم کے زیر اہتمام ریلیاں نکالی گئیں۔ نماز جمعہ کے بعد جامع مسجد سے یادگار چوک تک نکالی گئی ریلیوں میں عوام کی کثیر تعداد نے شرکت کی اور غاصب صیہونی ریاست اور شیطان بزرگ امریکہ کیخلاف نعرے بازی کی گئی۔

اسلام ٹائمز۔ یوم القدس کے موقع پر سکردو میں آئی ایس او، اسلامی تحریک اور ایم ڈبلیو ایم کے زیر اہتمام ریلیاں نکالی گئیں۔ نماز جمعہ کے بعد جامع مسجد سے یادگار چوک تک نکالی گئی ریلیوں میں عوام کی کثیر تعداد نے شرکت کی اور غاصب صیہونی ریاست اور شیطان بزرگ امریکہ کیخلاف نعرے بازی کی گئی۔ یادگار چوک پر مقررین نے خطاب کرتے ہوئے کہا کہ خمینی بت شکن نے یوم القدس کا اعلان کرکے صیہونی ریاست کے خاتمے کی ابتدا کی۔ آج دنیا بھر میں یوم القدس کے موقع پر مظلوم فلسطینوں پر اسرائیل کے مظالم کیخلاف مظاہرے ہو رہے ہیں اور ان مظاہروں میں بلا رنگ و نسل مختلف مکاتب فکر کے افراد شریک ہو رہے ہیں۔ مقررین نے کہا کہ ظلم کیخلاف خاموش رہنا ظالم کا ساتھ دینا ہے۔ یہ ہماری ذمہ داری ہے کہ دنیا بھر میں جہاں کہیں بھی ظلم ہو رہا ہو ان کیخلاف آواز حق بلند کی جائے۔ آج فلسطین، کشمیر، یمن لہو لہو ہے۔ دنیا بھر کے مسلمانوں کو ان مظالم کیخلاف آواز بلند کرنے کی ضرورت ہے۔