اسلام ٹائمز۔ وزیراعلٰی خیبر پختونخوا محمود خان پشاور کی پناہ گاہ میں منعقدہ عید میلادالنبی ﷺ کی تقریب میں شریک ہوئے۔ وزیراعلٰی نے پناہ گاہ میں مقیم مہمانوں کے ساتھ بیٹھ کر کھانا کھایا، پناہ گاہ میں مقیم مہمانوں سے خیریت دریافت کی اور انتظامات کے بارے میں معلومات حاصل کی۔ اس موقع پر صوبائی وزیر شوکت یوسفزئی، معاون خصوصی کامران خان بنگش، ایم پی ایز آصف خان، ارباب وسیم اور دیگر اعلٰی حکام بھی وزیراعلٰی کے ہمراہ تھے۔ وزیراعلٰی نے اپنے پیغام میں جشن عید میلادالنبی ﷺ کی پوری قوم اور امت مسلمہ کو مبارکباد دی۔ ان کا کہنا تھا کہ آپ ﷺ کی ولادت انسانیت پر اللہ تعالیٰ کا احسان عظیم ہے اور آپ ﷺ کی محبت ایمان کا بنیادی تقاضہ ہے۔

اسلام ٹائمز