اسلام ٹائمز - گوجرانوالا، جماعت اسلامی کا جلسہ عام

سراج الحق نے جلسہ عام سے خطاب میں کہا کہ پی ڈی ایم سمیت ساری جماعتیں بند گلی میں داخل ہوگئی ہیں، پی ڈی ایم کے ایک جلسے میں اسلامی نظام کا مطالبہ نہیں ہوا، جو اتحاد اسلامی نفاذ کیلئے نہیں ہم نے اس اتحاد سے خود کو فاصلے پر رکھا ہے۔

اسلام ٹائمز۔ امیر جماعت اسلامی سراج الحق نے حکومت اور اپوزیشن دونوں کو آڑے ہاتھوں لے لیا۔ سینیٹر سراج الحق نے گوجرانوالہ میں جلسے سے خطاب کرتے ہوئے کہا کہ پی ڈی ایم سمیت ساری جماعتیں بند گلی میں داخل ہوگئی ہیں، پی ڈی ایم کے ایک جلسے میں اسلامی نظام کا مطالبہ نہیں ہوا، جو اتحاد اسلامی نفاذ کیلئے نہیں ہم نے اس اتحاد سے خود کو فاصلے پر رکھا ہے، ہم سیاسی بریانی کا حصہ نہیں بنے، پی ڈی ایم ایک سرخ، نیلا پیلا رنگ رنگیلا اتحاد ہے جس کی کوئی سمت کوئی، لیڈر اور منشور نہیں ہے۔

جلسہ عام سے جماعت اسلامی کے نائب امیر لیاقت بلوچ، جماعت اسلامی کے سیکرٹری جنرل امیرالعظیم، نائب امیر پنجاب بلال قدرت بٹ، جماعت اسلامی یوتھ کے سربراہ محمد زبیر گوندل اور صوبائی و ضلعی رہنماوں نے خطاب کیا۔