اسلام ٹائمز - شہید کیپٹن فہیم عباس کا سفر آخرت

وزیرستان میں دہشتگردوں کیخلاف پاک فوج کے ایک آپریشن کے دوران جام شہادت نوش کرنے والے کیپٹن شہید فہیم عباس کی نماز جنازہ علامہ حمید حسین امامی کی اقتداء میں ان کے آبائی علاقہ رئیسان ضلع ہنگو میں ادا کردی گئی۔

اسلام ٹائمز۔ شمالی وزیرستان میں دہشتگردوں کیخلاف پاک فوج کے ایک آپریشن کے دوران جام شہادت نوش کرنے والے کیپٹن شہید فہیم عباس کی نماز جنازہ علامہ حمید حسین امامی کی اقتداء میں ان کے آبائی علاقہ رئیسان ضلع ہنگو میں ادا کردی گئی۔ نماز جنازہ میں پاک فوج کے افسران و اہلکاروں، علمائے کرام ایف سی حکام، علاقہ عوام اور شہید کے خاندان کے افراد نے شرکت کی۔ شہید فہیم عباس کو مکمل فوجی اعزاز کیساتھ سپردخاک کیا گیا۔ شرکائے نماز جنازہ نے شہید کے لواحقین کو تعزیت پیش کی۔ نماز جنازہ کورونا ایس او پیز کو مدنظر رکھتے ہوئے ادا کی گئی۔