سال کے پہلے 6 ماہ میں 15 بچے اور نوجون اسرائیل کے ہاتھوں شہید
26 Jun 2022 23:48
اپنی ایک رپورٹ میں فلسطینی بچوں کے دفاع کی عالمی تحریک کا کہنا تھا کہ صوبہ ''جنین'' میں اس سال کے آغاز سے اب تک چھ بچے شدید زخمی ہوچکے ہیں۔
اسلام ٹائمز۔ بچوں کے حقوق کی عالمی تحریک برائے دفاع فلسطینی نے مغربی کنارے اور مقبوضہ بیت المقدس میں فلسطینی بچوں کے خلاف صیہونی جارحیت میں اضافے کی خبر دی ہے۔ فارس نیوز کے بین الاقوامی ڈیسک کے مطابق، فلسطینی بچوں کے دفاع کی عالمی تحریک نے اپنی ایک رپورٹ میں اعلان کیا ہے کہ نئے سال کے آغاز سے لے کر اب تک گذشتہ چھ ماہ میں 15 فلسطینی بچوں اور نوجوانوں کو صیہونی فوجیوں نے گولیوں کا نشانہ بنایا ہے۔ رپورٹ کے مطابق فلسطینی بچوں کے خلاف صہیونی جارحیت کی سب سے زیادہ شرح صوبہ جنین میں رہی، جس کے دوران پانچ بچے شہید اور چھ بچے زخمی ہوئے اور صیہونی جنگجوؤں نے فلسطینیوں کے چھ گھروں کو تباہ اور درجنوں بچوں کو بے گھر کر دیا۔
خبر کا کوڈ: 1001276