QR Code

توہین رسالتؐ کے مجرم سلمان رشدی پر نیویارک میں قاتلانہ حملہ

12 Aug 2022 20:58

یاد رہے کہ سلمان رشدی کیجانب سے رسول اکرم (ص) کی شان میں توہین آمیز کتاب شائع ہونے کے بعد 1989ء میں بانی انقلاب اسلامی آیت اللہ العظمیٰ سید روح اللہ خمینی نے اسکے قتل کا فتویٰ دیا تھا، ایران نے سلمان رشدی کو مارنے والے کیلئے 30 لاکھ ڈالر سے زیادہ کے انعام کی پیشکش بھی کی تھی۔

اسلام ٹائمز۔ ملعون سلمان رشدی نیویارک میں چاقو حملے میں زخمی ہوگیا۔ اطلاعات کے مطابق سلمان رشدی کو اس وقت چاقو سے وار کیا گیا، جب وہ نیویارک میں تقریر کرنے والا تھا۔ مغربی ذرائع ابلاغ کا کہنا ہے کہ شیطانی آیات کے مصنف پر اس وقت حملہ کیا گیا، جب وہ چوٹاکوا، بفیلو میں تقریب میں اسٹیج پر جا رہا تھا۔ عینی شاہدین نے بتایا کہ ایک شخص نے توہین رسالتؐ کے مجرم سلمان رشدی کو چاقو مارنے سے پہلے اسٹیج پر دھاوا بولا، یہ حملہ اس وقت کیا، جب سلمان رشدی اسٹیج کی جانب بڑھ رہا تھا، حملے سے سلمان رشدی شدید زخمی ہے۔

یاد رہے کہ سلمان رشدی کی جانب سے رسول اکرم (ص) کی شان میں توہین آمیز کتاب شائع ہونے کے بعد 1989ء میں بانی انقلاب اسلامی آیت اللہ العظمیٰ سید روح اللہ خمینی نے اس کے قتل کا فتویٰ دیا تھا، ایران نے سلمان رشدی کو مارنے والے کے لئے 30 لاکھ ڈالر سے زیادہ کے انعام کی پیشکش بھی کی تھی۔

خبر کا کوڈ: 1008846