اسلام ٹائمز - بھکاری کو ضمنی الیکشن میں عبرتناک شکست ہو گی، حافط حمد اللہ

بھکاری کو ضمنی الیکشن میں عبرتناک شکست ہو گی، حافط حمد اللہ

ترجمان پی ڈی ایم کا کہنا تھا کہ ایک طرف اسمبلی سے استعفیٰ، دوسری طرف الیکشن میں حصہ لینا سیاست نہیں منافقت ہے۔

اسلام ٹائمز۔ ترجمان پی ڈی ایم حافظ حمداللہ نے کہا ہے کہ توشہ خانہ چور اور غیر ملکیوں کے ٹکڑوں پر پلنے والے بھکاری کو ضمنی الیکشن میں عبرتناک شکست ہو گی۔ اسلام آباد سے جاری بیان میں حافظ حمد اللّٰہ نے فواد چوہدری کو جواب دیا اور انہیں سیاسی فسادی لوٹا قرار دیا۔ انہوں نے کہا کہ سیاسی لوٹا فساد چوہدری، مولانا فضل الرحمان کو عمران نیازی کے مقابلے میں الیکشن لڑنے کا چیلنج دے رہا ہے۔ حافظ حمد اللہ کا کہنا تھا کہ ایک طرف اسمبلی سے استعفیٰ، دوسری طرف الیکشن میں حصہ لینا سیاست نہیں منافقت ہے۔