اسلام ٹائمز - آرمی چیف کی شیخ محمد بن زید النہیان سے ملاقات

آرمی چیف کی شیخ محمد بن زید النہیان سے ملاقات

پاک فوج کے شعبہ تعلقات عامہ کے مطابق ملاقات میں باہمی دلچسپی، دوطرفہ دفاعی اور سکیورٹی تعاون پر تبادلہ خیال کیا گیا جب کہ اس دوران مشرق وسطیٰ میں علاقائی سلامتی کی صورتحال پر بھی گفتگو کی گئی۔

اسلام ٹائمز۔ آرمی چیف جنرل قمر جاوید باجوہ نے یو اے ای کے صدر سے ملاقات کی۔ پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے متحدہ عرب امارات کا سرکاری دورہ کیا جس میں انہیںٰ امارات کے دوسرے اعلیٰٰ ترین اعزاز آرڈر آف یونین سے نوازا گیا۔ آئی ایس پی آر کے مطابق آرمی چیف نے متحدہ عرب امارات کے صدر شیخ محمد بن زید النہیان سے ملاقات کی جس میں باہمی دلچسپی، دوطرفہ دفاعی اور سکیورٹی تعاون پر تبادلہ خیال کیا گیا جب کہ اس دوران مشرق وسطیٰ میں علاقائی سلامتی کی صورتحال پر بھی گفتگو کی گئی۔ آرمی چیف جنرل قمر جاوید باجوہ کو 26 جون 2022ء کو سعودی ولی عہد نے میڈل آف ایکسلینس سے نوازا اور 9 جنوری 2021ء کو انہیں بحرین کے ولی عہد نے بحرینی آرڈر فرسٹ کلاس ایوارڈ سے نوازا۔ اس کے علاوہ 5 اکتوبر 2019ء کو اردن نے آرمی چیف جنرل قمرجاوید باجوہ کو آرڈر آف ملٹری میرٹ ایوارڈ سے نوازا اور 20 جون 2017ء کو انہیں ترکی کے لیجن آف میرٹ ایوارڈ سے نوازا گیا جب کہ آرمی چیف کو 27 دسمبر 2018ء میں روس کی جانب سے تہنیتی خط دیا گیا تھا۔