QR Code

انکم ٹیکس گوشوارے جمع کرانے والوں کی تعداد میں دو تہائی کی کمی

28 Sep 2022 23:41

ملک بھر سے تاحال صرف 13 لاکھ 50 ہزار انکم ٹیکس گوشوارے جمع ہو سکے ہیں، گزشتہ سال مجموعی طور پر 40 لاکھ انکم ٹیکس گوشوارے جمع ہوئے تھے۔ گزشتہ سال کی نسبت ایف بی آر کو تاحال 26 لاکھ 50 ہزار انکم ٹیکس گوشواروں کے شارٹ فال کا سامنا ہے۔

اسلام ٹائمز۔ انکم ٹیکس گوشوارے جمع کرانے کی آخری تاریخ میں صرف دو دن باقی ہیں اور ریٹرنز جمع کرانیوالوں کی تعداد گزشہ سال کے مقابلے میں 2 تہائی کم ہے۔ تاجر تنظیموں نے حکومت سے ٹیکس گوشوارے جمع کرانے کی تاریخ میں توسیع کا مطالبہ کر دیا۔ تفصیلات کے مطابق انکم ٹیکس گوشوارے جمع کرانے کی آخری تاریخ میں صرف 2 دن باقی رہ گئے ہیں، تاہم ایف بی آر کو گزشتہ سال کی نسبت ایک تہائی ٹیکس گوشوارے موصول ہوئے ہیں۔ ملک بھر سے تاحال صرف 13 لاکھ 50 ہزار انکم ٹیکس گوشوارے جمع ہو سکے ہیں، گزشتہ سال مجموعی طور پر 40 لاکھ انکم ٹیکس گوشوارے جمع ہوئے تھے۔ گزشتہ سال کی نسبت ایف بی آر کو تاحال 26 لاکھ 50 ہزار انکم ٹیکس گوشواروں کے شارٹ فال کا سامنا ہے۔

آل پاکستان انجمن تاجران سمیت تاجر تنظیموں نے حکومت سے ٹیکس گوشوارے جمع کرانے کی تاریخ میں توسیع کا مطالبہ کرتے ہوئے کہا ہے کہ چاروں صوبوں میں سیلاب کی وجہ سے حالات خراب ہیں، ایف بی آر نے انکم ٹیکس گوشوارے جمع کرانے کی آخری تاریخ 30 ستمبر مقرر کر رکھی ہے۔تاجر تنظیموں نے کہا کہ چاروں صوبوں میں سیلاب کی وجہ سے حالات خراب ہیں، اس لئے ٹیکس گوشوارے جمع کرانے کی تاریخ بڑھائی جائے۔ تاجر رہنماں نے امید ظاہر کی ہے کہ نئے وفاقی وزیر خزانہ اسحاق ڈار ٹیکس نظام کو بہتر بنائیں گے۔

خبر کا کوڈ: 1016655