اسلام ٹائمز - کوئٹہ، گیس لیکج سے ہونیوالے حادثات کا سلسلہ نہ تھم سکا

کوئٹہ، گیس لیکج سے ہونیوالے حادثات کا سلسلہ نہ تھم سکا

فائر بریگیڈ ذرائع نے بتایا کہ کوئٹہ کے جی او آر کالونی میں ہونیوالے دھماکے سے آگ بھڑک اٹھی۔

اسلام ٹائمز۔ بلوچستان کے صوبائی دارالحکومت میں گیس لیکج دھماکوں کا سلسلہ نہ تھم سکا۔ آج کوئٹہ کے علاقہ جی او آر کالونی میں گیس لیکج کے باعث ایک اور دھماکہ ہوا ہے۔ جس میں کوئی جانی نقصان نہیں ہوا۔ فائر بریگیڈ ذرائع نے بتایا کہ کوئٹہ کے جی او آر کالونی میں ہونے والے دھماکے سے آگ بھڑک اٹھی۔ جسکی اطلاع ملنے پر فائر بریگیڈ کا عملہ فوری طور پر جائے وقوعہ پر پہنچ گیا اور آگ پر قابو پا لیا۔ ذرائع نے بتایا کہ دھماکے میں خوش قسمتی سے کوئی جانی نقصان نہیں ہوا ہے۔ یاد رہے کہ کوئٹہ میں گزشتہ دو سال سے سردیوں کے موسم میں گیس لیکج دھماکوں کی شرح میں نمایا اضافہ دیکھنے کو ملتا ہے۔