QR Code

کوئٹہ، گاڑی چوری کرنیوالے چار ملزمان گرفتار، ایک زخمی

31 Mar 2023 13:50

گاڑی چوری کے ایک مقدمہ کے بعد پولیس کو خفیہ اطلاع ملی کہ ملزمان کچلاک جا رہے ہیں۔ جس پر پولیس نے کارروائی کرتے ہوئے ایک زخمی سمیت چار ملزمان کو گرفتار کر لیا۔

اسلام ٹائمز۔ پولیس نے کوئٹہ سے چوری ہونے والی گاڑی کو تین گھنٹے میں ڈھونڈتے ہوئے 4 ملزمان کو گرفتار کر لیا۔ جن میں سے ایک کو زخمی حالت میں پکڑا گیا ہے۔ پولیس کے مطابق چار ملزمان ایک شہری کی گاڑی لے کر فرار ہو گئے۔ جس پر سیٹلائٹ ٹاؤن پولیس اسٹیشن میں مقدمہ درج کیا گیا۔ ایس پی سریاب ضیاء اللہ مندوخیل کو خفیہ اطلاع ملی کہ چوری شدہ گاڑی کچلاک لے جانے کی کوشش کی جا رہی ہے۔ جس پر پولیس نے فوری طور پر کارروائی کا آغاز کیا۔ کچلاک بائی پاس پر پولیس اور ملزمان آمنے سامنے ہوئے، اور فائرنگ کا تبادلہ ہوا۔ جس میں گاڑیاں چوری کرنے والے گروہ کے سرغنہ اعجاز زخمی حالت میں، جبکہ محمد قاسم عرف بلال، اختر محمد عرف نانئی اور ظفر احمد کو پولیس نے گرفتار کرکے گاڑی قبضے میں لے لی۔

خبر کا کوڈ: 1049760