QR Code

جبران ناصر جبری اغوا کے 24 گھنٹے بعد گھر واپس پہنچ گئے

2 Jun 2023 21:15

ایس ایس پی جنوبی سید اسد رضا نے تصدیق کی کہ جبران ناصر بحفاظت اپنے گھر پہنچ گئے ہیں اور ان کا بیان ریکارڈ کرنے کے لئے پولیس ٹیم ان کے پاس جائے گی۔

اسلام ٹائمز۔ معروف سماجی کارکن اور وکیل جبران ناصر نامعلوم افراد کی جانب سے اغوا کئے جانے کے 24 گھنٹے بعد واپس اپنے گھر پہنچ گئے۔ ایس ایس پی جنوبی سید اسد رضا نے تصدیق کی کہ جبران ناصر بحفاظت اپنے گھر پہنچ گئے ہیں اور ان کا بیان ریکارڈ کرنے کے لئے پولیس ٹیم ان کے پاس جائے گی۔ قبل ازیں ایک ویڈیو پیغام میں منشا پاشا نے کہا تھا کہ سادہ کپڑوں میں ملبوس اور ہاتھوں میں پستول اٹھائے تقریباً 15 افراد نے ہماری گاڑی کو گھیرا اور جبران کو زبردستی لے گئے، ساتھ ہی انہوں نے جبران کے لئے آواز اٹھانے اور کی خیریت کے لیے دعا کی اپیل کی تھی۔ منشا پاشا نے یہ بھی کہا تھا کہ وہ ہمیں کار سے باہر نکالنے کے لئے صرف چیختے رہے اور کوئی وضاحت پیش نہیں کی۔

خبر کا کوڈ: 1061588