QR Code

جرائم کا خاتمہ پولیس اور عوام مل کر ہی کر سکتے ہیں، ڈی پی او لکی مروت

18 Oct 2011 01:23

اسلام ٹائمز:ڈی پی او لکی مروت نے جماعت اسلامی اور الخدمت فاؤنڈیشن کی کاوشوں کو سراہتے ہوئے کہا کہ معاشرے میں نیک، شریف اور خدمت خلق کا جذبہ رکھنے والے افراد ہی مثبت تبدیلی لا سکتے ہیں کیونکہ دین کی دعوت اور خدمت خلق دلوں پر براہ راست اثر کرتے ہیں انہوں نے کہا کہ انہوں نے عزم کیا ہے کہ ضلع کو جرائم پیشہ افراد سے پاک کر کے ہی دم لیں گے۔

سرائے نورنگ:اسلام ٹائمز۔ ڈی پی او لکی مروت گلزار خان نے کہا ہے کہ معاشرے سے جرائم کا خاتمہ پولیس اور عوام مل کر ہی کر سکتے ہیں جرائم پیشہ افراد پر لکی مروت کی زمین تنگ کردیں گے ان خیالات کا اظہار انہوں نے جماعت اسلامی کے ایک وفدکے ساتھ اپنے دفتر میں ملاقات کے دوران کیا گیا جس کی قیادت جماعت اسلامی لکی مروت کے ضلعی امیر مولانا ملک میر شاہ کر رہے تھے وفد میں ان کے ساتھ ضلعی سیکرٹری جنرل سبز علی خان نوید، شعبہ تعلقات عامہ کے سیکرٹری عبدالصمد خان، الفلاح گروپ آف مارکیٹنگ کے سربراہ حاجی عزیز اللہ خان، الخدمت فاؤنڈیشن کے صدر عبد الغفار فریادی، سیکرٹری جنرل لیاقت علی صیام اور شباب ملی کے ضلعی صدر ملک جہانزیب حسن شامل تھے وفد نے ڈی پی او کو یقین دلایا کہ جرائم کے خاتمے میں انہیں جماعت اسلامی کا مکمل تعاون حاصل ہوگا اس وقت پولیس انتہائی نازک حالات سے دو چار ہے انہیں جان پر کھیل کر عوام کی حفاظت کرنی پڑتی ہے اور عملی طور پر جہاد میں مصروف ہیں ڈی پی او لکی مروت نے جماعت اسلامی اور الخدمت فاؤنڈیشن کی کاوشوں کو سراہتے ہوئے کہا کہ معاشرے میں نیک، شریف اور خدمت خلق کا جذبہ رکھنے والے افراد ہی مثبت تبدیلی لا سکتے ہیں کیونکہ دین کی دعوت اور خدمت خلق دلوں پر براہ راست اثر کرتے ہیں انہوں نے کہا کہ انہوں نے عزم کیا ہے کہ ضلع کو جرائم پیشہ افراد سے پاک کر کے ہی دم لیں گے۔

خبر کا کوڈ: 107165