اسلام ٹائمز - کراچی میں فائرنگ سے تین بچوں کا باپ جاں بحق

جاں بحق ہونے والے شخص کی شناخت 50 سالہ نور حسن کے نام سے کی گئی۔ علاقہ مکینوں کے مطابق مقتول ساؤنڈ سسٹم کرائے پر دینے کا کام کرتا تھا۔

اسلام ٹائمز۔ شہر قائد میں مچھر کالونی سراجی چوک کے قریب فائرنگ سے تین بچوں کا باپ جاں بحق ہوگیا۔ تفصیلات کے مطابق ڈاکس کے علاقے مھچر کالونی سراجی چوک کے قریب فائرنگ سے ایک شخص جاں بحق ہوگیا، مقتول کی لاش ایدھی ایمبولینس کے ذریعے سول اسپتال منتقل کی گئی۔ پولیس کے مطابق جاں بحق ہونے والے شخص کی شناخت 50 سالہ نور حسن کے نام سے کی گئی۔ علاقہ مکینوں کے مطابق مقتول ساؤنڈ سسٹم کرائے پر دینے کا کام کرتا تھا اور تین بچوں کا باپ تھا۔ عینی شاہدین کے مطابق مقتول کو طارق سراجی نامی علاقائی بدمعاش نے اس کے گھر کے باہر فائرنگ کرکے قتل کیا ہے، پولیس واقعے کی تحقیقات کر رہی ہے۔