QR Code

جسٹس صدیقی کو دباؤ میں لانے والوں کا نام سامنے آجاتا تو 6 ججز کو جواب مل جاتا، جاوید لطیف

27 Mar 2024 23:37

مسلم لیگ نون کے سینئر راہنما نے ایک نجی ٹی وی کے پروگرام میں میں گفتگو کرتے ہوئے کہا کہ جس نے جو کچھ کیا ہے اس کو سزا ملنی چاہئے۔ خواجہ آصف نے صیح کہا جو لوگ ملوث ہیں انہیں کٹہرے میں لانا چاہئے۔

اسلام ٹائمز۔ مسلم لیگ نون کے سینئر راہنما میاں جاوید لطیف نے کہا کہ جسٹس شوکت صدیقی کو دباؤ میں لانے والوں کا نام سامنے آجاتا تو 6 ججز کو جواب مل جاتا۔مسلم لیگ نون کے سینئر راہنما میاں جاوید لطیف نے ایک نجی ٹی وی کے پروگرام میں میں گفتگو کرتے ہوئے کہا کہ جس نے جو کچھ کیا ہے اس کو سزا ملنی چاہئے۔ خواجہ آصف نے صیح کہا جو لوگ ملوث ہیں انہیں کٹہرے میں لانا چاہئے۔

میاں جاوید لطیف نے کہا کہ نواز شریف کیس کا فیصلہ لکھنے اور لکھوانے والے قصور وار ہیں، الیکشن میں لوگ توقع کر رہے تھے نواز شریف ملک کو گرداب سے نکالیں گے۔ انہوں نے مزید کہا کہ ہمارے ساتھ 8 فروری کو جو کچھ کروایا گیا جماعت کے 95 فیصد لوگوں نے کہا وفاق میں حکومت نہیں بنائیں گے۔ شہبازشریف نے چیلنج کو قبول کیا ہے، اتحادی ایک پوسٹنگ، ٹرانسفر سے ناراض ہو تو اس کے بعد کوئی توقع نہیں کر سکتے۔

خبر کا کوڈ: 1125300