QR Code
نرسنگ ایسوسی ایشن ملتان کی مطالبات کے حق میں دوسرے روز بھی احتجاجی ریلی
18 Nov 2011 12:41
اسلام ٹائمز:نرسنگ ایسوسی ایشن ملتان کی صدر ثمینہ کفایت اللہ کا ریلی کی شرکاء سے خطاب کرتے ہوئے کہنا تھا کہ حکومت ہوش کے ناخن لے اور ہمارے مطالبات تسلیم کرے ورنہ ہم اپنا حق چھیننا جانتی ہیں۔
اسلام ٹائمز۔پاکستان نرسنگ ایسوسی ایشن ملتان کے زیر اہتمام مطالبات کے حق میں دوسرے روز بھی نشتر ہاسٹل سے نشتر مین گیٹ تک احتجاجی ریلی نکالی گئی، ریلی کی قیادت پاکستان نرسنگ ایسوسی ایشن ملتان کی صدر ثمینہ کفایت اللہ نے کی، ریلی کی شرکاء نے پنجاب حکومت کے خلاف نعرے بازی کی، مقررین نے پنجاب حکومت سے مطالبہ کیا کہ نرسوں کو ڈاکٹروں کے برابر مراعات دی جائیں، کم از کم تنخواہ پچاس ہزار کی جائے، ہیڈ نرسز کی تنخواہ ستر ہزار کی جائے، ہائی رینک الائونس جاری کیا جائے، ہیڈ نرسز کے عہدوں کو ترقی دی جائے، مقررین کا کہنا تھا کہ حکومت ہوش کے ناخن لے اور ہمارے مطالبات تسلیم کرے ورنہ ہم اپنا حق چھیننا جانتی ہیں۔
خبر کا کوڈ: 114918