QR Code

اتحاد اُمت کے لیے کسی بھی قربانی سے دریغ نہیں کریں گے، علامہ ناصر عباس

25 Dec 2011 14:06

اسلام ٹائمز:مجلس وحدت مسلمین پاکستان کے سیکرٹری جنرل نے ملتان میں تنظیمی نشست سےخطاب کرتے ہوئے کہا کہ عالم اسلام کی مشکلات، پریشانیوں اور انتشار کا سبب باہمی اتفاق کی کمی ہے، امام خمینی کی سیرت پر عمل کر کے حقیقی اسلامی معاشرے کا قیام عمل میں لایا جاسکتا ہے۔

اسلام ٹائمز۔ بڑی بڑی قومیں جب متحد نہ ہوں تو ذلت ورسوائی اُن کا مقدر بنتی ہے لیکن جب چند لوگ منطم اور متحد ہو کر راہ خدا میں اخلاص کیساتھ نکلیں تو امریکہ اور اُس کی حوارایوں کو شکست فاش سے دوچار کر سکتے ہیں، ان خیالات کا اظہار مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے ملتان میں مجلس وحدت مسلمین ملتان کی ضلعی کابینہ کے ساتھ نشست کے دوران کیا، اُنہوں نے کہا کہ انقلاب اسلامی ایران بے لوث، انتھک اور باہمی اتحاد کی وجہ سے عمل میں آیا، انقلاب کے دوران نہ صرف فوج نے جنگ کی بلکہ ایران کے ہر شخص نے ہر محاذ پر جنگ کی، امام خمینی کے انقلاب میں نوجوانوں کی قربانیاں قابل دید ہیں کسی بھی تنظیم، تحریک اور جماعت کو نوجوان تقویت بخشتے ہیں یہی وجہ تھی کہ امام خمینی نے انقلاب سے 20 برس پہلے کہا تھا کہ میری فوج اس وقت مائوں کی گود میں ہے اور امام نے اس کو سچ کر دکھایا آج پاکستان میں بھی نوجوانوں کو آگے بڑھنے کی ضرورت ہے۔
دیگر علمائے کرام کے ساتھ اتحاد کے حوالے سے پوچھے گئے سوال کے جواب میں اُنہوں نے کہا کہ مجلس وحدت کا منشو راتحاد ہے اور اس کے لیے ہم کسی بھی قربانی سے دریغ نہیں کریں گے، ہم اتحاد اُمت کے لیے ہر شخص کے ساتھ مل بیٹھنے کے لیے تیار ہیں۔

خبر کا کوڈ: 124981