QR Code

حامد کرزئی کا امریکا طالبان مذاکرات کا خیر مقدم

5 Jan 2012 00:19

اسلام ٹائمز:افغان صدر نے امید ظاہر کی کہ ان اقدامات سے افغانستان میں جاری تشدد کے خاتمے میں مدد ملے گی اور ملک میں بے گناہ شہریوں کی ہلاکتوں کا سلسلہ ختم ہو گا۔

اسلام ٹائمز۔ افغانستان کے صدر حامد کرزئی نے طالبان اور امریکا کے درمیان مذاکرات کو خوش آئند قرار دیا ہے۔ غیر ملکی خبر رساں ایجنسی کے مطابق افغان صدر حامد کرزئی نے کہا ہے کہ ان کا ملک طالبان کی جانب سے قطر میں رابطہ دفتر قائم کرنے اور امریکا طالبان مذاکرات کا خیر مقدم کرتا ہے۔ حامد کرزئی نے امید ظاہر کی کہ ان اقدامات سے افغانستان میں جاری تشدد کے خاتمے میں مدد ملے گی اور ملک میں بے گناہ شہریوں کی ہلاکتوں کا سلسلہ ختم ہو گا۔ 

دیگر ذرائع کے مطابق افغانستان کے صدر حامد کرزئی نے امریکا کی طالبان کے ساتھ مذاکرات کی کوششوں کی توثیق کی ہے۔ افغان صدارتی آفس سے جاری کردہ بیان میں کہا گیا ہے کہ حامد کرزئی نے قطر میں طالبان کے دفتر کھولنے کے فیصلے کی بھی توثیق کی ہے۔ بیان کے مطابق افغانستان امریکا اور طالبان کے درمیان مذاکرات پر متفق ہے اور ان مذاکرات کے حوالے سے قطر میں طالبان کے دفتر کے قیام پر بھی اعتراض نہیں ہے۔

خبر کا کوڈ: 127735