QR Code

صدر زرداری کے متبادل کے طور پر اسٹیبلشمنٹ نے صنم بھٹو سے رابطہ کیا

5 Feb 2012 15:41

اسلام ٹائمز:نجی ٹی وی کے پروگرا م میرے مطابق میں میزبان ماریہ میمن سے گفتگو کے دوران سینئر تجزیہ کار سہیل وڑائچ نے کہا کہ اگلے الیکشن میں صنم بھٹو لاڑکانہ سے الیکشن لڑیں گی اور یہ کوئی انہونی بات نہیں ہوگی۔

اسلام ٹائمز۔ معروف صحافی اور سینئر تجزیہ کار سہیل وڑائچ نے انکشاف کیا کہ صدر زرداری کے متبادل کے طور پر اسٹیبلشمنٹ کے ایک حلقے نے صنم بھٹو سے ملاقات کی ہے اور انہیں پاکستان آنے کو کہا ہے لیکن صنم بھٹو نے شرط عائد کی ہے کہ میں صرف صدر زرداری کے کہنے پر ہی پاکستان آ سکتی ہوں۔ دوسری طرف یہ تاثر ٹھیک نہیں ہے کہ نئے پیر پگاڑا کا انتخاب نارمل طریقے سے ہوا، اندرونی کہانی کچھ اور ہے جبکہ اگلے الیکشن میں صنم بھٹو لاڑکانہ سے الیکشن لڑیں گی تو یہ کوئی انہونی بات نہیں ہوگی۔ اگر فاطمہ بھٹو نے الیکشن لڑا تو ان کے مقابلے کے لئے صنم بھٹو کو میدان میں اتارا جاسکتا ہے۔ مریم نواز اور حمزہ شہباز ایک دوسرے کے حریف تو نہیں لیکن مقابلہ تو ہوتا ہے۔ حقیقت تو یہ ہے کہ جاگیردارانہ معاشروں میں جس پارٹی میں کوئی وارث نہ ہو تو اس کی فاتحہ بھی کوئی نہیں پڑھتا۔

ان خیالات کاا ظہار انہوں نے نجی ٹی وی کے پروگرام میرے مطابق میں میزبان ماریہ میمن سے گفتگو کے دوران کیا۔ بھٹو خاندان کی سیاسی وارثت پر بات کرتے ہوئے انہوں نے کہا کہ بلاول کا سیاسی مستقبل روشن ہے، وہ سخت محنت کے عادی اور مطالعہ کے شوقین ہیں۔ فردوس عاشق اعوان ہوں یا پھر قمر زمان کائرہ، وہ سب کا اٹھ کر استقبال کرتے ہیں۔ وہ اگلے الیکشن میں کھڑے نہیں ہو سکیں گے لیکن مہم میں بھرپور حصہ ضرور لیں گے، جبکہ آصفہ بے نظیر کے تسلسل کے طور پر سامنے آ رہی ہیں۔

خبر کا کوڈ: 135569