QR Code

طالبان مذاکرت میں افغان نمائندگی کا حق امریکہ کو نہیں دیں گے، حامد کرزئی

17 Feb 2012 10:04

اسلام ٹائمز: نیٹو فورسز کو رسد کی بحالی پر بات کرتے ہوئے افغان صدر کا کہنا تھا کہ پاکستان کو نیٹو سپلائی فوری بحال کرنی چاہیے اس سے پاکستان کو فائدہ ہو گا۔

اسلام ٹائمز۔ افغان صدر حامد کرزئی نے کہا ہے کہ امریکہ کو طالبان کے ساتھ مذاکرت میں افغان نمائندگی کا حق نہیں دیں گے۔ ایران، پاکستان اور افغانستان کے سہ فریقی مذاکرات کے آغاز کے موقع پر اسلام آباد میں صحافیوں سے بات کرتے ہوئے افغان صدر نہ کہا ہے کہ مذاکرات جہاں ہم چاہیں گے وہاں رکھیں گے۔ ان کا کہنا تھا کہ مذاکرات ترکی یا سعودی عرب میں ہونے چاہییں۔ کابل میں بڑھتی ہوئی بھارتی نقل و حمل پر حامد کرزئی کا کہنا تھا کہ پاکستان کو اس بارے میں پریشان ہونے کی ضرورت نہیں ہے۔ ان کا کہنا تھا کہ پاکستان بھی بھارت کو پسندیدہ ملک قرار دینے کے علاوہ تجارتی روابط بڑھا رہا ہے۔ ان کا مزید کہنا تھا کہ انڈین فوج، افغان فوج کو تربیت دے گی۔ انہوں نے کہا کہ پاکستانی فوج کے ساتھ اعتماد کو فقدان ہے جسکی بحالی کے بعد پاکستانی فوج سے تربیت لینے پر بھی غور کیا جا سکتا ہے۔ نیٹو فورسز کو رسد کی بحالی پر بات کرتے ہوئے افغان صدر کا کہنا تھا کہ پاکستان کو نیٹو سپلائی فوری بحال کرنی چاہیے اس سے پاکستان کو فائدہ ہو گا۔ ان کا مزید کہنا تھا کہ پاکستان نیٹو سپلائی پر امریکہ سے ٹیکس وصول کر سکتا ہے۔

خبر کا کوڈ: 138423