QR Code

امریکا کو پاکستان کے سخت ردعمل سے آگاہ کر دیا، شیری رحمان

20 Feb 2012 01:46

اسلام ٹائمز:امریکہ میں پاکستانی سفیر نے نجی ٹی وی سے گفتگو کرتے ہوئے کہا کہ امریکا کو بتا دیا گیا ہے کہ بلوچستان کے حوالے سے امریکی ایوان نمائندگان میں پیش کی جانے والی قرارداد پر پاکستان میں شدید ردعمل ہوگا۔

اسلام ٹائمز۔ امریکا میں پاکستان کی سفیر شیری رحمان نے کہا ہے کہ امریکی محکمہ خارجہ کو پاکستان کے سخت ردعمل سے آگاہ کر دیا۔بلوچستان کے متعلق قرارداد صرف ایک رکن کی ذاتی رائے ہے۔امریکا میں پاکستانی سفیر شیری رحمان نے ایک نجی ٹی وی سے گفتگو کرتے ہوئے کہا کہ امریکا کو بتا دیا گیا ہے کہ بلوچستان کے حوالے سے امریکی ایوان نمائندگان میں پیش کی جانے والی قرارداد پر پاکستان میں شدید ردعمل ہوگا۔یہ پاکستان کا اندورنی معاملہ ہے۔ شیری رحمان نے بتایا کہ امریکی محکمہ خارجہ کا کہنا ہے کہ ایسی ہزاروں قراردادیں آتی ہیں اور یہ قرارداد ری پبلکن کے ایک یا دو افراد کی جانب سے آئی ہے یہ امریکا کے حکام کی رائے نہیں۔محکمہ خارجہ نے وضاحتی بیان جاری کرتے ہوئے کہا ہے کہ بلوچستان میں جو کچھ ہورہا ہے وہ پاکستان کا اندرونی معاملہ ہے۔ شیری رحمان نے کہا کہ ایوان نمائندگان میں پیش کی جانے والی قرارداد کوئی بل نہیں۔

خبر کا کوڈ: 139154