QR Code

سانحہ کوہستان، گلگت میں سوگ اور غیر اعلانیہ کرفیو کی صورتحا ل برقرار ہے

3 Mar 2012 17:09

اسلام ٹائمز:سانحہ کوہستان کے خلاف آ ج پانچویں روز بھی گلگت میں کاروبار زندگی معطل رہا، خوف و ہراس کے باعث لوگ اپنے گھروں میں محصور ہوکر رہ گئے ہیں جبکہ سڑکوں سے ٹریفک بھی غائب ہے۔

اسلام ٹائمز۔ سانحہ کوہستان کے خلاف گلگت میں شدید غم و غصہ کی فضاء قائم ہے اور کاروباری سرگرمیاں معطل ہونے کی وجہ سے عوام کو مسائل و مشکلات کا سامنا کرنا پڑ رہا ہے۔ گلگت میں سوگ اور غیر اعلانیہ کرفیو کی صورتحال برقرار ہے، خوف و ہراس کے باعث لوگ اپنے گھروں میں محصور ہوکر رہ گئے ہیں جبکہ سڑکوں سے ٹریفک بھی غائب ہے۔ ٹرانسپورٹ کی عدم دستیابی کی وجہ سے گلگت اور اردگرد علاقوں میں پھنسے ہوئے لوگ اپنے گھروں کو نہیں جاسکے ہیں۔ حکومت کی جانب سے پیر کے دن تک تمام دفاتر اور تعلیمی ادارے بند رکھنے کا اعلان کیا گیا ہے اور عوام سے اپیل کی گئی ہے کہ وہ زیادہ وقت اپنے گھروں میں ہی گزاریں۔

واضح رہے کہ گزشتہ ہفتہ کوہستان کے مقام پر پاک فوج کی وردی میں ملبوس نامعلوم مسلح افراد نے پنڈی سے آنے والی بس کے مسافروں کو بس سے شناخت کے بعد اتار کر فائرنگ کرکے شہید کردیا گیا تھا، جس پر ملک بھر میں شدید غم و غصہ کی فضاء قائم ہے اور ملک بھر میں شیعہ تنظیموں مجلس وحدت مسلمین، شیعہ علماء کونسل، امامیہ اسٹوڈنٹس آرگنائزیشن، جعفریہ اسٹوڈنٹس آرگنائزیشن و دیگر کی جانب سے احتجاجی ریلیوں اور مظاہروں کا سلسلہ جاری ہے۔

خبر کا کوڈ: 142576