QR Code

ڈرون حملے پاکستان کی خودمختاری پر حملہ، لازمی طور پر روکے جائیں، شیری رحمان

14 Mar 2012 00:35

اسلام ٹائمز: پاکستانی سفیر شیری رحمان نے وائٹ ہاوس کے حکام کو بتایا کہ ڈرون حملے پاکستان کی خودمختاری پر حملہ سمجھے جاتے ہیں اور ساتھ ہی ڈرون حملوں میں ہونے والے سویلین کی شہادتیں بھی پاکستان میں ایک جذباتی ایشو بن چکا ہے۔

اسلام ٹائمز۔ پاکستان نے وائٹ ہاوس کو واضع کر دیا ہے کہ ڈرون طیاروں کو پاکستان کی فضائی حدود میں آنے کی اجازت نہیں دی جائے گی۔ امریکی ٹی وی اور نیوز ایجنسی نے ذرائع کے حوالے سے خبر دی ہے کہ پاکستانی سفیر شیری رحمان نے نائب امریکی صدر جو بائیڈن کے سکیورٹی ایڈوائز انتونی بلنکن سے ملاقات کی ہے اور انہیں آگاہ کیا ہے کہ پاکستان کی سیاسی جماعتیں اس بات پر متفق ہیں کہ ڈرون حملے لازمی طور پر روکے جائیں۔
پاکستانی سفیر شیری رحمان نے وائٹ ہاوس کے حکام کو مزید بتایا کہ ڈرون حملے پاکستان کی خودمختاری پر حملہ سمجھے جاتے ہیں اور ساتھ ہی ڈرون حملوں میں ہونے والے سویلین کی شہادتیں بھی پاکستان میں ایک جذباتی ایشو بن چکا ہے۔ امریکی ٹی وی نے ذرائع کے حوالے سے لکھا ہے کہ شیری رحمان سے ڈرون حملوں کے اختلافی معاملات پر بات چیت کے لئے امریکی حکام ملاقات کریں گے۔

خبر کا کوڈ: 145461