QR Code

امریکا اختیارات عالمی اداروں کو منتقل کرے: جرمن چانسلر

11 Nov 2009 12:18

دہشت گردی کے خلاف جنگ میں امریکہ کے اہم اتحادی ملک جرمنی کی چانسلر انجیلا مرکل نے واحد سپرپاور امریکہ کے ساتھ ایک قطبی دنیا کے تصور کو مسترد کرتے ہوئے کہا ہے کہ۰۰۰۰۰۰۰

دہشت گردی کے خلاف جنگ میں امریکہ کے اہم اتحادی ملک جرمنی کی چانسلر انجیلا مرکل نے واحد سپرپاور امریکہ کے ساتھ ایک قطبی دنیا کے تصور کو مسترد کرتے ہوئے کہا ہے کہ یورپی یونین کے نقش قدم پر چلتے ہوئے امریکہ ایک نیا ورلڈ آرڈر تشکیل دینے کیلئے اپنے کچھ اختیارات بین الاقوامی اداروں کو منتقل کرے۔ دیوار برلن کے خاتمہ کی تقریبات سے خطاب میں بین الاقوامی امور میں امریکی کردار کو خلاف معمول سخت تنقید کا نشانہ بناتے ہوئے انگیلا مرکل نے کہا کہ یورپی ممالک نے اس اصول پر عمل کرتے ہوئے اپنی بہت سی پاورز یورپی یونین اور نیٹو کو منتقل کر دی تھیں لیکن امریکی اپنی کچھ پاورز بین الاقوامی مالیاتی فنڈ (آئی ایم ایف) یا کسی دوسرے بین الاقوامی ادارے کو منتقل کرنا انتہائی مشکل تصور کرتے ہیں۔ انہوں نے کہا کہ بین الاقوامی اور علاقائی فورمز پر جرمنی نے اکثریت کی بنیاد پر بعض ایسی آراء کو بھی قبول کیا جن سے وہ متفق نہیں تھا لیکن اکثریت کی رائے کو تسلیم کرنے کا جمہوری اصول ابھی تک امریکی نفسیات میں جڑ نہیں پکڑ سکا۔ انہوں نے کہا کہ آج ہمیں کثیر قطبی (ملٹی پولر) دنیا کے تصور پر عملدرآمد کی ضرورت ہے اور یورپ اس کا عادی بھی ہے اور دنیا کو صرف اس طرح پرامن بنایا جا سکتا ہے کہ کثیر القومی تعاون اور ایک وسیع تر ورلڈ آرڈر کو فروغ دیا جائے۔

خبر کا کوڈ: 14866