QR Code

دفاع پاکستان کونسل آج ملک بھر میں امریکا کے خلاف احتجاج کرے گی

6 Apr 2012 02:14

اسلام ٹائمز: لاہور میں پریس کانفرنس کرتے ہوئے دفاع پاکستان کونسل کے رہنما کا کہنا تھا کہ امریکی حکومت نے حافظ سعید اور عبدالرحمان مکی کے سر کی قیمت لگا کر پاکستان کے اندرونی معاملات اور عدالتوں کی توہین کی ہے۔

اسلام ٹائمز۔ دفاع پاکستان کونسل میں شامل دینی، سیاسی اور مذہبی جماعتوں نے آج ملک بھر میں امریکا کے خلاف احتجاج کا اعلان کر دیا ہے۔ لاہور میں پریس کانفرنس کرتے ہوئے دفاع پاکستان کونسل کے رہنما امیرحمزہ کا کہنا تھا کہ امریکی حکومت نے حافظ سعید اور عبدالرحمان مکی کے سر کی قیمت لگا کر پاکستان کے اندرونی معاملات اور عدالتوں کی توہین کی ہے۔ فرید پراچہ، پیر سیف اللہ خالد اور حافظ ابتسام الہی ظہیر کا کہنا تھا کہ وہ امریکی حکومت کے فیصلے کے خلاف عالمی اور ملکی عدالتوں سے رجوع کرنے کے لئے مشاورت کررہے ہیں۔ ان کا کہنا تھا کہ وہ کسی صورت نیٹو سپلائی بحال نہیں ہونے دیں گے۔

خبر کا کوڈ: 150767