QR Code

آئندہ بجٹ اقتصادی اور معاشی صورتحال کو مدنظر رکھ کر بنایا جائے گا، عبدالحفیظ شیخ

7 Apr 2012 19:25

اسلام ٹائمز:اسلام آباد میں اکنامک ایڈوائزری کونسل کے اجلاس کے بعد میڈیا سے گفتگو میں وزیر خزانہ کا کہنا تھا کہ آئندہ سال محصولات کا ہدف رواں سال سے 20 سے 22 فیصد زیادہ جبکہ بجٹ خسارہ 0.5 فیصد کم رکھنے کی تجویز ہے۔

اسلام ٹائمز۔ وفاقی وزیر خزانہ ڈاکٹر عبدالحفیظ شیخ نے کہا ہے کہ ٹیکس نطام کو منصفانہ اور شفاف بنایا جائے گا۔ کولیژن سپورٹ فنڈ اور تھری جی لائسنس کے اجرا میں مشکلات ہیں۔ کونسل کے کنوینئر حفیظ پاشا نے کہا کہ افراط زر میں اضافے کی شرح پر تشویش ہے، اس سال افراط زر کی شرح 13 فیصد تک جا سکتی ہے، انہوں نے کہا کہ آئندہ سال محصولات کا ہدف رواں سال سے 20 سے 22 فیصد زیادہ جبکہ بجٹ خسارہ 0.5 فیصد کم رکھنے کی تجویز ہے۔ چیئرمین ایف بی آر کا کہنا تھا کہ گزشتہ ہفتے کراچی کے خراب حالات کے باعث ایف بی آر کو 20 سے 25 ارب کا نقصان ہوا، تمام فیلڈ افسران کو رواں ماہ نقصان پورا کرنے کی ہدایت کر دی گئی ہے۔ انہوں نے کہا کہ آئندہ مالی سال کے بجٹ میں ٹیکس نظام کو مزید آسان اور قابل بھروسا بنائیں گے۔

خبر کا کوڈ: 151215