QR Code

قرآن و اہلبیت کانفرنس ملک میں اتحاد بین المسلمین کیلئے اہم سنگ میل ثابت ہوگی، علامہ عبدالخالق اسدی

27 May 2012 12:02

اسلام ٹائمز: ملتان میں قرآن و اہلبیت ع کانفرنس میں افتتاحی کلمات ادا کرتے ہوئے ایم ڈبلیو ایم پنجاب کے سیکرٹری جنرل کا کہنا تھا کہ جو یہ سمجھتے تھے کہ شیعہ قوم سے ووٹ بھی لو اور انکے حقوق بھی غصب کرو، اب وہ وقت گیا، انشاءاللہ اس قوم کا کھویا ہوا مقام حاصل کر کے دم لیں گے۔

اسلام ٹائمز۔ مجلس وحدت مسلمین صوبہ پنجاب کے سیکرٹری جنرل علامہ عبدالخالق اسدی نے افتتاحی کلمات ادا کرتے ہوئے کہا کہ بیداری کا سفر آغا ہو چکا ہے، قرآن و اہلبیت ع کانفرنس ملک میں فرقہ واریت کے خاتمے اور اتحاد بین المسلمین کے حوالے اہم سنگ میل ثابت ہو گی۔ انہوں نے کہا کہ ملتان کی سرزمین پر ہونے والی اس کانفرنس کے سب ہی میزبان ہیں، ماتمی سنگتیں ہوں، ذاکرین ہوں، یا تنظیمی افراد سب ہی اس پروگرام کے میزبان ہیں۔

علامہ عبدالخالق اسدی نے تمام آنے والے شرکاء کو خوش آمدید کہتے ہوئے کہا کہ ہم شہداء کے وراث ہیں اور اُن کا پیغام دنیا بھر میں پہنچائیں گے۔ وہ لوگ بھول پر تھے جو یہ سمجھتے تھے کہ شیعہ قوم سے ووٹ بھی لو اور انکے حقوق بھی غصب کرو، اب وہ وقت گیا، انشاءاللہ اس قوم کا کھویا ہوا مقام حاصل کر کے دم لیں گے۔ ملتان کی سرزمین پر اس کانفرنس کے انعقاد نے ثابت کر دیا ہے کہ قوم بیدار ہے اور باشعور ہے۔ انہوں نےکہا کہ ہم حسینی ہیں اور انشاءاللہ اس خطے سے امریکی استعمار کو نکل باہر کریں گے۔ ملک کو چند فتنے پرور اور دہشتگردوں کے حوالے نہیں کیا جاسکتا۔ حکمران ہوش کے ناخن لیں، قوم بیدار ہے۔

خبر کا کوڈ: 165951