QR Code

کسی سیاسی تنظیم کے سربراہ کے مقابلے میں ایک مسجد کا خطیب زیادہ اہم ہے، اعظم انقلابی

7 Jun 2012 01:04

اسلام ٹائمز: کشمیر محاذ آزادی کے سرپرست نے کہا ہے کہ کشمیر کی نئی نسل کو بے راہ روی کے رجحانات سے روکنے کےلئے ضروری ہے کہ کشمیر کے علماء اور آئمہ مساجد اصلاح و احوال کےلئے متحد اور منظم ہو کر ایک بھرپور دعوتی اور اصلاحی تحریک شروع کریں۔

اسلام ٹائمز۔ جموں و کشمیر محاذ آزادی کے سرپرست اعظم انقلابی نے اپنے ایک بیان میں علماء دین کی ذمہ داریوں کے بارے میں کہا ہے کہ کشمیر کی نئی نسل کو بے راہ روی کے رجحانات سے روکنے کے لئے ضروری ہے کشمیر کے علماء اور آئمہ مساجد اصلاح و احوال کے لئے متحد اور منظم ہو کر ایک بھر پور دعوتی اور اصلاحی تحریک شروع کریں۔ اس لئے کسی سیاسی تنظیم یا فورم کے سربراہ کے مقابلے میں ایک مسجد کا خطیب زیادہ اہم ہے، اس لئے ہر چھوٹی بڑی مسجد کے خطیب کو تصور آخرت کی روشنی میں قرآن و حدیث کا پیغام پورے سوز اور عارفانہ جلال کے ساتھ سنانا چاہئے، اعظم انقلابی نے مزید کہا کہ ایسے مزاحمتی رہنماء جن کی زندگی جیلوں اور عقوبت خانوں میں گزری ہے یہ بات بخوبی سمجھتے ہیں کہ قرآنی تعویض اور سپردگی کے تحت اللہیت پیدا کرنا کتنا اہم ہے اور تعلق باللہ مقاصد کے حصول کے لئے کیسے موثر ہتھیار کے طور استعمال کیا جا سکتا ہے۔

خبر کا کوڈ: 168692