QR Code

پنیٹا کے بیان سے پاک امریکا مذاکرات کوششیں متاثر ہوں گی، شیری رحمان

8 Jun 2012 12:38

اسلام ٹائمز:امریکا میں پاکستان کی سفیر شیری رحمان نے ردعمل ظاہر کرتے ہوئے کہا ہے کہ لیون پنیٹا کے بیان کو پاکستان میں سنجیدگی سے لیا جائے گا جبکہ اس بیان سے پاکستان اور امریکا میں اختلافات کو کم کرنے کی کوششوں پر بھی اثر پڑے گا۔

اسلام ٹائمز۔ امریکا میں تعینات پاکستانی سفیر شیری رحمان کا کہنا ہے کہ لیون پنیٹا کے بیان سے پاکستان امریکا مذاکرات میں تعطل ختم کرنے کی کوششیں سبوتاژ ہوں گی۔ امریکی وزیر دفاع لیون پنیٹا کے بیان پر امریکا میں پاکستان کی سفیر شیری رحمان نے ردعمل ظاہر کرتے ہوئے کہا ہے کہ لیون پنیٹا کے بیان کو پاکستان میں سنجیدگی سے لیا جائے گا جبکہ اس بیان سے پاکستان اور امریکا میں اختلافات کو کم کرنے کی کوششوں پر بھی اثر پڑے گا۔ شیری رحمان کا مزید کہنا تھا کہ اس نامناسب بیان سے دونوں ممالک میں جاری اہم مذاکرات کا عمل متاثر ہوگا۔

دیگر ذرائع کے مطابق امريکا ميں پاکستان کی سفير شيری رحمان نے کہا ہے کہ شدت پسندوں کے ٹھکانوں سے نمٹنے ميں ناکامی سے متعلق امريکی وزير دفاع کا بيان غير مفيد ہے۔ واشنگٹن سے جاری ايک بيان ميں شيری رحمان نے واضح کيا کہ ايسے بيانات پاکستان اور امريکا کے درميان اختلافات کم کرنے کی کوششوں کو مشکل بنا سکتے ہيں۔ ان کا کہنا ہے کہ امريکی وزيردفاع کابيان کسی کے کام نہيں آئے گا بلکہ دونوں ملکوں کے تعلقات ميں تعطل کے خاتمے کی کوششيں کرنے والوں کيلئے حالات ناسازگار بنائيگا۔ گذشتہ روز ليون پنيٹا نے کابل ميں کہا تھا کہ پاکستان ميں شدت پسند اپنے محفوظ ٹھکانوں سے افغانستان ميں حملے کر رہے ہيں اور اس معاملے پر امريکا کے صبر کا پيمانہ لبريز ہوتا جا رہا ہے۔

خبر کا کوڈ: 169253