QR Code

آصف زرداری کے فيصلے اسی طرح قبول کيے تو اقدار کا خاتمہ ہو جائے گا، چودھری نثار

23 Jun 2012 00:06

اسلام ٹائمز: قائد حزب اختلاف چودھری نثار نے کہا کہ راجہ پرویز اشرف کا وزیراعظم بننا قوم کیلئے بدقسمتی ہے۔ انہوں نے کہا جس طرح پارلیمنٹ کو چلایا گیا بہت بڑا بدنما داغ ہے۔

اسلام ٹائمز۔ قومی اسمبلی ميں قائد حزب اختلاف چوہدری نثار علی خان نے کہا ہے راجہ پرويزاشرف کو وزيراعظم بنانا صدر زرداری کا قوم سے انتقام ہے، وزيراعظم کے عہدے کا مرتبہ آصف زرداری نے خاک ميں ملا ديا۔ وزيراعظم کے منتخب ہونے کے فوراً بعد قومی اسمبلی کے باہر ميڈيا سے بات کرتے ہوئے چوہدری نثار نے کہا کہ ايوان ميں جمہوری عمل کو شديد دھچکا لگا، اسی طرح آصف زرداری کے فيصلے قبول کيے تو اقدار کا خاتمہ ہو جائے گا، صدر کا قوم سے انتقام ہے، ہر پاکستانی کا سرشرم سے جھک گيا۔ آصف زرداری جس طرح ايوان کو استعمال کر رہے ہيں، اس سے کچھ باقی نہيں بچا، راجہ پرويز اشرف کو قوم پر مسلط کيا گيا ہے۔ 

قائد حزب اختلاف چودھری نثار نے کہا کہ راجہ پرویزاشرف کا وزیراعظم بننا قوم کیلئے بدقسمتی ہے۔ انہوں نے کہا جس طرح پارلیمنٹ کو چلایا گیا بہت بڑا بدنما داغ ہے، باوقار عہدے کیلئے ایسے شخص کو منتخب کیا گیا جو بدترین کیس میں ملوث ہیں۔ چودھر ی نثار نے کہا سارا بوجھ عدالتوں، میڈیا پر نہیں ڈالنا چاہتے اور نہ ہی ہم جیتنے کی پوزیشن میں تھے، ایوان میں کردار ادا کر دیا ہے۔

خبر کا کوڈ: 173376