QR Code

برما میں مسلمانوں کے قتل عام پر مسلم ممالک اور او آئی سی کی خاموشی افسوسناک ہے، جمعیت المجاہدین

20 Jul 2012 01:15

اسلام ٹائمز: جمعیت المجاہدین کے ترجمان نے کہا ہے کہ برمی مسلمانوں کے بے دریغ قتل پر خاموشی کا مطلب برما کی سفاک فوجی ڈکٹیٹر شپ کی سفاکی پر اس کی تائید کرنا ہے، جو مردہ ضمیری کی انتہاء ہے۔

اسلام ٹائمز۔ جمعیت المجاہدین نے برما میں مسلمانوں کے قتل عام پر مسلم ممالک اور ”او آئی سی“ کی خاموشی کو قابل مذمت اور افسوسناک قرار دیا ہے، جمعیت المجاہدین کے ترجمان نے کہا ہے کہ ایک ماہ کے اندر 28 ہزار برمی مسلمانوں کے بے دریغ قتل پر خاموشی کا مطلب برما کی سفاک فوجی ڈکٹیٹر شپ کی سفاکی پر اس کی تائید کرنا ہے جو مردہ ضمیری کی انتہاء ہے، ترجمان کے مطابق مسلم ممالک بالخصوص اور ”او آئی سی“ کا دل دہلانے والے، آسمان لرزانے والے اور زمین کو شق کر دینے والے اس بیہمانہ قتل عام پر خاموش رہنا ثابت کر رہا ہے کہ عالمی سطح پر مسلمانوں کے اندر جذبہ اخوت اسلامی کا جنازہ نکل چکا ہے، انہوں نے کہا کہ اقوام متحدہ اور دیگر عالمی اداروں کی برما کے مسلمانوں کے قتل عام پر خاموشی سے یہ بات اظہر من الشمس ہے کہ پوری دنیا میں جہاں کہیں مسلمانوں کا قتل ہورہا ہے یہ ادارے اس خون ریزی میں براہ راست ملوث ہیں۔

خبر کا کوڈ: 180484