QR Code

افغانستان میں نیٹو ہیڈکوارٹر سمیت مختلف مقامات پر بم دھماکے، 10 افراد ہلاک، متعدد زخمی

9 Sep 2012 00:00

اسلام ٹائمز: ایساف کے ترجمان نے بتایا ہے کہ دارالحکومت کابل میں نیٹو ہیڈکوارٹر میں ایک زور دار دھماکہ کے باعث چھ افراد مارے گئے۔

اسلام ٹائمز۔ افغانستان میں نیٹو ہیڈکوارٹر سمیت دیگر علاقوں میں تین مختلف بم دھماکوں میں دس افراد ہلاک جبکہ متعدد زخمی ہوگئے۔ غیر ملکی خبر رساں ادارے کے مطابق ایساف کے ترجمان نے بتایا ہے کہ دارالحکومت کابل میں نیٹو ہیڈکوارٹر میں ایک زور دار دھماکہ کے باعث چھ افراد مارے گئے جبکہ متعد دزخمی ہوگئے۔ صوبائی پولیس کے ترجمان عبداللہ حمیت کے مطابق صوبہ ارزگان کے ضلع ترین کوٹ میں ڈپٹی ڈائریکٹر ملک عبدالمجید کے گھر کی راہداری میں نصب بم پھٹنے سے مذکورہ شخص ہلاک اور اسکے دو بیٹے زخمی ہوگئے۔ صوبہ ہلمند میں سڑک کنارے نصب بم پھٹنے سے دو خواتین ہلاک اور دیگر دو زخمی ہوگئیں۔

خبر کا کوڈ: 193816