QR Code
سازشیں کرنیوالے عناصر کے ہاتھ کچھ نہیں آئے گا، چوہدری عبدالمجید
18 Sep 2012 10:56
اسلام ٹائمز: مختلف عوامی وفود سے گفتگو کرتے ہوئے وزیراعظم آزاد کشمیر کا کہنا تھا کہ عوامی حکومت محض اعلانات پر نہیں بلکہ عمل پر یقین رکھتی ہے۔ پاکستان ہماری امیدوں کا مرکز اور دنیا بھر کے مسلمانوں کی محفوظ پناہ گاہ ہے۔
اسلام ٹائمز۔ وزیراعظم آزاد حکومت ریاست جموں و کشمیر چوہدری عبدالمجید نے کہا ہے کہ پاکستان ہماری امیدوں کا مرکز اور امنگوں کا ترجمان ہے اور دنیا بھر کے مسلمانوں کے لیے محفوظ پناہ گاہ اور اسلام کا قلعہ ہے، پاکستان کی مضبوطی و استحکام میں ہی کشمیریوں کے محفوظ مستقبل کا راز مضمر ہے۔ عوامی حکومت محض اعلانات پر نہیں بلکہ عمل پر یقین رکھتی ہے اور ایک سال کی کارکردگی اس کا منہ بولتا ثبوت ہے۔ پاکستان میں مفاہمتی سیاست کی بنیاد بھٹو شہید نے رکھتے ہوئے بے آئین ملک کو ایک متفقہ آئین 1973ء دیا اور پھر محترمہ بے نظیر بھٹو شہید نے اس سلسلے کو آگے بڑھایا۔ ان خیالات کا اظہار انھوں نے کشمیر ہائوس میں آزاد کشمیر کے مختف اضلاع سے آنے والے وفود سے بات چیت کرتے ہوئے کیا۔
وزیراعظم نے کہا کہ اسی طرح آزاد خطہ میں عوامی حکومت نے مفاہمتی عمل کو رواج دینے کے لیے صدر پاکستان کی مفاہمتی پالیسی پر عمل درآمد کرتے ہوئے اپوزیشن جماعتوں کو بھی آن بورڈ کر کے روان مالی سال کا بجٹ بھی متفقہ طور پر پاس کرانے میں کامیابی حاصل کی ہے اور ایک سال کی قلیل مدت میں ریکارڈ میگا پراجیکٹس کا آغاز کر کے عوام کو ریلیف فراہم کرنے میں کوئی کسر اٹھا نہیں رکھی ہے۔
خبر کا کوڈ: 196387