QR Code

گلگت بلتستان کو صوبہ بنانے کی قرارداد کشمیر کاز کے منافی ہے، سردار یعقوب

20 Sep 2012 08:00

اسلام ٹائمز: ایک انٹرویو میں صدر ریاست آزاد کشمیر کا کہنا تھا کہ کشمیر کا فیصلہ اقوام متحدہ کی قراردادوں کے مطابق ہونا چاہیے، آئین میں ترامیم کے لیے قائمہ کمیٹی اسمبلی سے باہر کی جماعتوں کو بھی آن بورڈ کریگی۔

اسلام ٹائمز۔ صدر آزاد جموں و کشمیر محمد یعقوب خان نے کہا ہے کہ گلگت بلتستان اسمبلی کو پاکستان کا پانچواں صوبہ بنانے کے حق میں قرارداد محض سیاسی پوائنٹ سکورنگ کے لیے ہے۔ جو کشمیر کاز کے منافی ہے۔ گلگت اسمبلی کی یہ قرارداد ایک سیاسی نعرے سے زیادہ نہیں ہے۔ اقوام متحدہ کی قرادادیں واضح کرتی ہے کہ یہ علاقے جموں و کشمیر کا حصہ ہے۔ پاکستان کا آئین بھی ثبوت مہیا کرتا ہے کہ یہ علاقے حتی کہ آزاد کشمیر بھی پاکستان کا آئینی حصہ نہیں۔ متنازعے علاقے پاکستان کا صوبہ کسے بن سکتے ہیں۔ حکومت پاکستان کو پہلے آئین میں ترمیم کرنا ہو گی۔ ان خیالات کا اظہار انھوں نے ایک خصوصی انٹرویو میں کیا۔ آئین میں ترامیم کے لیے قائمہ کمیٹی اسمبلی سے باہر کی جماعتوں کو بھی آن بورڈ کریگی۔

خبر کا کوڈ: 196962