QR Code

اوباما نے توہین آمیز فلم پر پابندی کا مطالبہ مسترد کرکے امت مسلمہ کے زخموں پر نمک پاشی کی، اسرار اللہ

26 Sep 2012 21:35

اسلام ٹائمز: جماعت اسلامی ضلع پشاور کے امیر بحراللہ خان ایڈووکیٹ اور سابق صوبائی وزیر حافظ حشمت خان نے اپنے بیانات میں کہا کہ تحفظ ناموس رسالت (ص) کی راہ میں گرفتاری اُن کے لئے اعزاز ہوگی۔

اسلام ٹائمز۔ جماعت اسلامی خیبرپختونخوا کے سیکرٹری اطلاعات اسرار اللہ خان ایڈووکیٹ نے کہا ہے کہ جنرل اسمبلی میں امریکی صدر اوبامہ نے توہین رسالت (ص) پر مبنی امریکی فلم پر پابندی لگانے کے مطالبے کو مسترد کرکے پوری امت مسلمہ کے زخموں پر نمک چھڑکا ہے۔ پشاور میں جماعت اسلامی کے پرامن مظاہرے میں لاکھوں افراد کی شرکت نے اے این پی حکومت کو حواس باختہ کردیا ہے۔ جماعت اسلامی کے جن رہنمائوں کے خلاف مقدمات درج کئے گئے ہیں اُن میں سے کوئی روپوش نہیں ہوگا۔ المر کز اسلامی پشاور سے جاری ایک بیان میں انہوں نے کہا کہ پشاور شہر میں شہریوں کی ہلاکت اور توڑ پھوڑ کے واقعات کی ذمہ داری صوبائی حکومت پر عائد ہوتی ہے۔ دریں اثناء جماعت اسلامی ضلع پشاور کے امیر بحراللہ خان ایڈووکیٹ اور سابق صوبائی وزیر حافظ حشمت خان نے اپنے بیانات میں کہا کہ تحفظ ناموس رسالت (ص) کی راہ میں گرفتاری اُن کے لئے اعزاز ہوگی۔ تحفظ ناموس رسالت (ص) کے لئے وہ اپنی جانیں بھی نچھاور کرنے کے لئے تیار ہیں۔

خبر کا کوڈ: 198835