QR Code

تعلیمی اداروں میں آئی ایس او کا کردار اسلام دشمن قوتوں کے خلاف علم بغاوت ہے، اطہر عمران

13 Oct 2012 15:59

اسلام ٹائمز: بہائوالدین زکریا یونیورسٹی میں امامیہ طلبہ سے خطاب کرتے ہوئے آئی ایس او پاکستان کے مرکزی صدر کا کہنا تھا کہ امریکہ اور اُس کے حواریوں کو پاکستان میں اگر کسی سے خوف ہے تو وہ مکتب آل محمد (ص) کے ماننے والوں سے ہے۔

اسلام ٹائمز۔ امامیہ اسٹوڈنٹس آرگنائزیشن پاکستان کے مرکزی صدر اطہر عمران نے کہا ہے کہ نوجوان کسی بھی ملت کا ہر اول دستہ شمار ہوتے ہیں، پاکستان کے نوجوانوں میں بہت ٹیلنٹ ہے، پاکستانی نوجوان جتنی توحید، رسالت (ص) اور امامت سے محبت رکھتے ہیں اُتنی ہی اُن کے دشمنوں کے خلاف نفرت کا اظہار بھی کرتے ہیں، جس کی واضح مثال لاہور اور کراچی میں امریکی قونصلیٹ کا گھیرائو ہے۔ بہائوالدین زکریا یونیورسٹی میں اپنے اعزاز میں دیئے گئے عشائیہ سے خطاب کرتے ہوئے اُن کا کہنا تھا کہ تعلیمی اداروں میں آئی ایس او کا کردار اسلام دشمن قوتوں کے خلاف علم بغاوت ہے، اُنہوں نے کہا کہ آئی ایس او پاکستان کے تمام تعلیمی اداروں میں ایک تشخص اور وقار رکھتی ہے، جس کے پیچھے ہمارے سینیئرز کی قربانیاں شامل ہیں، اُنہوں نے کہا کہ دنیا میں جب بھی کسی ملک میں انقلاب آیا ہے اُس میں نوجوان کا کردار قابل تمثیل رہا ہے۔

خبر کا کوڈ: 203200