QR Code
کوئٹہ سمیت اندرون بلوچستان میں فائرنگ کے واقعات، 5 افراد جاں بحق، چار زخمی
20 Nov 2012 01:43
اسلام ٹائمز: سریاب روڈ پر مسافر بس پر، کلی عمر میں گھر میں گھس کر جبکہ کراچی سے کوئٹہ آنے والی نیٹو آئل ٹینکر پر نامعلوم افراد نے فائرنگ کی۔
اسلام ٹائمز۔ کوئٹہ سمیت اندرون بلوچستان میں فائرنگ کے مختلف واقعات میں 5 افراد جاں بحق جبکہ چار زخمی ہو گئے، تربت سے ایک شخص کی لاش برآمد کرلی۔ ذرائع کے مطابق کوئٹہ کے علاقے سریاب روڈ پر نامعلوم مسلح افراد نے کوئٹہ سے کراچی جانیوالی مسافر کوچ پر فائرنگ کردی، جس کے نتیجے میں بس کنڈیکٹر شمس اللہ موقع پر جاں بحق ہوگیا، جبکہ چاغی کے علاقے کلی محمد عمر میں نامعلوم مسلح افراد نے گھر میں گھس کر فائرنگ کرکے 2 افراد نادر خان اور فتح محمد کو قتل کردیا اور موقع سے فرار ہوگئے۔ جاں بحق ہونے والے دونوں افراد افغان مہاجرین بتائے جاتے ہیں۔ دریں اثناء نوشکی کے قریب کراچی سے کوئٹہ آنیوالے آئل ٹینکر پر نامعلوم مسلح افراد نے فائرنگ کر دی۔ جس کے نتیجے میں ایک شخص حمیداللہ ہلاک جبکہ سمیع اللہ اور محمد صدیق شدید زخمی ہوگئے۔ جنہیں طبی امداد کیلئے مقامی اسپتال منتقل کردیا گیا۔ جبکہ تربت سے ایک نوجوان نیاز محمد کی لاش برآمد ہوئی ہے، جسے نامعلوم افراد نے فائرنگ کرکے قتل کر دیا تھا۔
خبر کا کوڈ: 213446