اسلام ٹائمز - پشاور میں رات گئے بم دھماکہ، دو افراد ہلاک

اسلام ٹائمز: خدشہ ظاہر کیا جا رہا ہے کہ ہلاک ہونے والوں میں ایک خودکش حملہ آور شامل تھا، جبکہ دوسرا شخص اس کا ساتھی تھا، پولیس کے مطابق دھماکے کی جگہ پر ایک تباہ شدہ موٹرسائیکل بھی ملی ہے۔

اسلام ٹائمز۔ پشاور میں رات گئے ایک بم دھماکہ میں دو افراد ہلاک ہو گئے جبکہ خدشہ ظاہر کیا جا رہا ہے کہ ہلاک ہونے والوں میں خودکش حملہ آور اور دوسرا اس کا ساتھی تھا، پشاور کے علاقہ دیر کالونی میں رات ساڑھے 11 بجے کے قریب زوردار دھماکہ ہوا، جس کی آواز دور دور تک سنی گئی، پولیس کے مطابق دھماکہ میں 2 افراد ہلاک ہوئے، تاہم رات گئے تک ہلاک ہونے والوں کی شناخت نہیں ہو سکی، جبکہ خدشہ ظاہر کیا جا رہا ہے کہ ہلاک ہونے والوں میں ایک خودکش حملہ آور شامل تھا، جبکہ دوسرا شخص اس کا ساتھی تھا، پولیس کے مطابق دھماکے کی جگہ پر ایک تباہ شدہ موٹرسائیکل بھی ملی ہے۔