QR Code

پاکستان نے افغان صدر حامد کرزئی کے الزمات کو مسترد کردیا

8 Dec 2012 20:29

اسلام ٹائمز:دفترخارجہ کا کہنا ہے کہ افغان نیشنل سیکیورٹی کے سربراہ پر حملے میں پاکستان کو کوئی ہاتھ نہیں ہے۔

اسلام ٹائمز۔ دفترخارجہ سے جاری بیان میں کہا گیا ہے کہ افغان نیشنل سیکیورٹی کے سربراہ پر حملے میں پاکستان کو کوئی ہاتھ نہیں ہے، افغان صدر کے الزامات میں کوئی صداقت نہیں۔ ترجمان دفترخارجہ کا کہنا ہے کہ پاکستان افغانستان سے مثبت اور دیرپا تعلقات کا خواہاں ہے، اس طرح کے الزامات سے دونوں ممالک کے درمیان تعلقات متاثر ہوسکتے ہیں۔ ترجمان کے مطابق، صرف افغانستان کو ہی نہیں پاکستان کو بھی دہشتگردی کے چیلنجز کا سامنا ہے، مشترکہ مقاصد کے حصول کے لئے مل جل کر آگے بڑھنا واحد راستہ یے، لٰہذا الزامات لگانے کے بجائے ثبوت فراہم کئے جایئں۔ ترجمان کے مطابق پاکستان پہلے ہی اس بزدلانہ فعل کی مذمت کرچکا ہے، اس حوالے سے کسی بھی قسم کی تحقیقات کے لئے افغانستان کی مدد کے لئے تیار ہیں۔ افغان حکومت نہ صرف تحقیقات پر توجہ دے بلکہ سیکیورٹی کو بھی بہتر بنائے۔

خبر کا کوڈ: 219282