اسلام ٹائمز۔ مجلس وحدت مسلمین پاکستان بلتستان ڈویژن کے سیکرٹری جنرل علامہ حافظ حسین نوری کی المناک وفات کے بعد سیکرٹری جنرل کا عہدہ خالی تھا۔ سیکرٹری جنرل مجلس وحدت مسلمین پاکستان علامہ راجہ ناصر عباس جعفری کے بلتستان کے دورہ کے موقع پر آغا علی رضوی کو سیکرٹری جنرل مجلس وحدت مسلمین بلتستان ڈویژن نامزد کیا گیا تھا جسے ڈویژنل شوریٰ نظارت نے اتفاق رائے سے قبول کیا۔ علامہ آغا علی رضوی کی سیکرٹری جنرل بلتستان ڈویژن کے طور پر حلف برداری ڈویژنل سیکرٹریٹ میں ہوئی جس میں کثیر تعداد میں علماء کرام اور تنظیمی افراد موجود تھے۔ علامہ علی رضوی سے رکن شوریٰ عالی علامہ مظاہر حسین موسوی نے حلف لیا۔

اسلام ٹائمز