QR Code
قاضی حُسین احمد شباب ملی اسلام آباد کے سیمینار سے خطاب کریں گے
24 Dec 2012 18:52
اسلام ٹائمز: قائداعظم محمد علی جناح کی یوم پیدائش کے موقع پر جناح کا پاکستان اور نوجوانوں کی ذمہ داریوں کے عنوان سے یہ سیمینار منعقد کیا جائے گا۔
اسلام ٹائمز۔ شباب ملی ضلع اسلام آباد کے زیر اہتمام پچیس دسمبر بروز منگل تین بجے سہ پہر قائداعظم کی یوم پیدائش کے موقع پر جناح کا پاکستان اور نوجوانوں کی ذمہ داریوں کے عنوان سے ایک سیمینار کا اہتمام کیا جا رہا ہے جس کے مہمان خصوصی سابق امیر جماعت اسلامی پاکستان وصدر ملی یکجہتی کونسل کے سربراہ قاضی حُسین احمد جبکہ سیمینار کی صدارت معروف مذہبی اسکالر پروفیسر ڈاکٹر انیس احمد، کریں گے۔ سیمینار سے معروف کالم نو یس اور تجزیہ نگار اوریا مقبول جان، نائب امیر جماعت اسلامی پنجاب میاں محمد اسلم، معروف سینئر صحافی جاوید صدیق، این اے اُنچاس سے جماعت اسلامی کے اُمیدوار زبیر فارو ق خان اور شباب ملی اسلام آباد کے صدر راؤ جا وید اختر بھی خطاب کر یں گے۔
خبر کا کوڈ: 224472