اسلام ٹائمز۔ گذشتہ دنوں شگر میں دریائے برالدو میں پہاڑ  گرنے سے پانی کا جو بہاؤ رک گیا ہے، اس سلسلے میں گلگت بلتستان حکومت کو پاکستان آرمی نے پیش کش کی ہے کہ پاکستان آرمی بھی دریائے شگر سے نکاسی آپ کے لیے معاونت کرے گی۔ ذرائع کے مطابق پاک فوج کے ماہرین پر مشتمل ایک ٹیم نے متاثرہ جگہ کا دورہ کیا اور اس عزم کا اظہار کیا کہ اسے عطاء آباد جھیل بننے نہیں دیں گے۔ اطلاع کے مطابق فورس کمانڈر گلگت بلتستان میجر جنرل حافظ مقصود احمد نے کہا ہے کہ ممکنہ خطرات سے فوری طور پر نمٹا جائے گا اور متاثرہ علاقے کو عطاء آباد کی طرح کا سانحہ نہیں بننے دیا جائے گا۔

اسلام ٹائمز