QR Code
آئی ایس او کے مرکزی صدر کا دورہ ملتان، مختلف تعلیمی اداروں میں طلبہ سے خطاب
24 Feb 2013 04:08
اسلام ٹائمز: امامیہ اسٹوڈنٹس آرگنائزیشن ملتان کے جنرل سیکرٹری نے اسلام ٹائمز سے گفتگوکرتے ہوئے بتایا کہ مرکزی صدر کے دورے کا مقصد شہید ڈاکٹر محمد علی نقوی کی برسی کے حوالے سے سینیئرز اور امامینز سے ملاقات کرکے اُنہیں شرکت کی دعوت دینی تھی۔
اسلام ٹائمز۔ امامیہ اسٹوڈنٹس آرگنائزیشن پاکستان کے مرکزی صدر اطہر عمران طاہر نے ملتان کا دورہ کیا۔ اُنہوں نے اپنے دورے کے دوران ملتان کے تعلیمی اداروں بہائوالدین زکریا یونیورسٹی، نشتر میڈیکل کالج، ایمرسن کالج، انسٹیٹوٹ انجیئرنگ اینڈ ٹیکنالوجی، گورنمنٹ کالج آف ٹیکنالوجی، انسٹیٹیوٹ آف سائودرن پنجاب کا دورہ کیا اور ملتان کی تنظیمی اور فعال شخصیات سے ملاقات کی۔ ان خیالات کا اظہار امامیہ اسٹوڈنٹس آرگنائزیشن ملتان کے ڈویژنل جنرل سیکرٹری جواد حیدر نے اسلام ٹائمز سے گفتگو کرتے ہوئے کیا۔ جواد حیدر کا مزید کہناتھا کہ9 مارچ کولاہور میں امامیہ اسٹوڈنٹس آرگنائزیشن پاکستان کے بانی شہید ڈاکٹر محمد علی نقوی کی برسی کے موقع پر ملتان سے ایک بڑاقافلہ روانہ ہوگا۔
خبر کا کوڈ: 242066