QR Code

پشاور میں دہشتگردوں کی فائرنگ سے اکبر علی میر شہید، ساتھی زخمی

2 Mar 2013 00:02

اسلام ٹائمز: دہشتگرد حسب معمول بازار میں سرعام اسلحہ لہراتے ہوئے فرار ہونے میں کامیاب ہوگئے۔ 55 سالہ شہید کی نماز جنازہ کل بروز ہفتہ 3 بجے ادا کی جائے گی۔

اسلام ٹائمز۔ پشاور میں اہل تشیع کی ٹارگٹ کلنگ کا سلسلہ جاری ہے۔ آج کوچی بازار میں امام بارگاہ رضی شاہ کے قریب دہشتگردوں کی فائرنگ کے نتیجے میں اکبر علی میر شہید جبکہ مختار حسین زخمی ہو گئے۔ دہشتگرد حسب معمول بازار میں سرعام اسلحہ لہراتے ہوئے فرار ہونے میں کامیاب ہو گئے۔ 55 سالہ شہید کی کوچی بازار میں برتنوں کی دکان تھی۔ نماز جنازہ کل بروز ہفتہ 3 بجے ادا کی جائے گی۔ شہید ایک متوسط گھرانے سے تعلق رکھتے ہیں۔ اکبر علی میر متحرک شیعہ شخصیت تھے اور ملت کے حقوق کیلئے اپنی آواز ہمیشہ بلند کرتے تھے۔

خبر کا کوڈ: 243463