QR Code

وینزویلا کے صدر ہوگو شاویز کے انتقال پر غنویٰ بھٹو کا اظہار رنج و غم

7 Mar 2013 18:16

اسلام ٹائمز: چیئرپرسن پیپلز پارٹی (شہید بھٹو) نے کہا کہ ہوگو شاویز سامراجی قوتوں بالخصوص امریکا کے دنیا بھر میں مذموم عزائم کیخلاف جدوجہد کی علامت تھے۔

اسلام ٹائمز۔ پاکستان پیپلز پارٹی (شہید بھٹو گروپ) کی چیئرپرسن غنویٰ بھٹو نے وینزویلا کے عظیم انقلابی صدر ہوگو شاویز کے انتقال پرملال پر اپنے شدید غم کا اظہار کرتے ہوئے کہا ہے کہ ہوگو شاویز سامراجی و استعماری قوتوں بالخصوص امریکہ کے دنیا بھر میں مذموم عزائم کے خلاف جدوجہد کی علامت کا درجہ رکھتے تھے۔ اپنے ایک تعزیتی بیان میں غنویٰ بھٹو نے کہا ہے کہ ہوگو شاویز کی جدائی سے انقلابی، ترقی پسند اور سوشلسٹ نظریئے کے حامی قوتوں اور تحریکوں کو شدید نقصان اور صدمہ پہنچا ہے۔ غنویٰ بھٹو نے وینزویلا کی عوام اور دنیا بھر میں موجود ان کے حامیوں، مداحوں اور لواحقین سے اظہار ہمدردی کرتے ہوئے اپنی دلی تعزیت کا اظہار کیا ہے۔

خبر کا کوڈ: 244994