QR Code
ترقیاتی منصوبوں کی تنسیخ کیخلاف راجہ پرویز اشرف نے انٹرا کورٹ اپیل دائر کر دی
6 Apr 2013 00:45
اسلام ٹائمز: درخواست ميں ترقياتی منصوبوں پر عمل درآمد کرانے اور انہيں اليکشن کے ليے اہل قرار دينے کي استدعا کی گئی ہے۔
اسلام ٹائمز۔ سابق وزیراعظم راجہ پرویزاشرف کی طرف سے اسلام آباد ہائیکورٹ میں دائر کی گئی انٹرا کورٹ اپیل میں مؤقف اختیار کیا گیا ہے کہ انہیں سنے بغیر فیصلہ سنا دیا گیا جس ميں ان کے حلقے کے دو بڑے ترقياتی منصوبوں پر عملدرآمد روک ديا اور فيصلے کی کاپياں چيئرمين نيب، چيف اليکشن کمشنر اور ريٹرنگ افسران کو بھجوانے کا حکم ديا گيا تھا۔ درخواست ميں ترقياتی منصوبوں پر عمل درآمد کرانے اور انہيں اليکشن کے ليے اہل قرار دينے کی استدعا کی گئی ہے اور ہائيکورٹ کے سنگل بنچ کے فیصلے کو کالعدم قرار دينے کی درخواست کی گئی درخواست گزار نے جسٹس شوکت عزيز صديقی کی جانب سے جاری کيے گئے فيصلے پر حکم امتناعی جاری کرنے کی بھی استدعا کی ہے۔ جسٹس ریاض احمد خان اور جسٹس نورالحق قریشی پر مشتمل ڈويژن بینچ پیر کو انٹرا کورٹ اپیل کی سماعت کرے گا۔
خبر کا کوڈ: 251806